Imagina Atlántica_ Estadías Creativas en Compostela

A Dirección Xeral de Xuventude e Voluntariado e o Concello de Santiago de Compostela abren o prazo para participar no programa de dinamización artística “Imagina Atlántica: Teatros de pedra”, ofrecendo unha vía para que a xuventude exprese as súas inquedanzas artísticas, individuais e colectivas. Trátase dun programa enmarcado dentro do proxecto “Imagina Atlántica: espazo atlántico, territorios creativos innovadores” aprobado ao abeiro do proxecto “Espazo Atlántico” e no que participan rexións de España, Francia, Reino Unido e Portugal.

Dentro das actividades programadas está a creación dun percorrido turístico alternativo na cidade de Santiago de Compostela a través das artes dende o 28 de xullo ata o 13 de agosto.

A finalidade desta convocatoria é promover e estimular a creación de artistas xoves dentro dos parámetros da arte actual. Durante unha estadía continuada de quince días 24 mozos e mozas realizarán as súas intervencións en sete prazas públicas da cidade de Santiago de Compostela. Intervencións artísticas para a dinamización das prazas compostelás.

Os/as participantes, xóvenes creadores, pasarán un proceso de preparación e creación da súa intervención.

Prazo de inscrición: do 2 ao 20 de xullo

Prazas: 24

Destinatarios: mozos e mozas galegos ou residentes en Galicia entre 18 e 30 anos de idade.

Disciplinas artísticas:

• Arte escénica (teatro, danza e expresión, performance musical)
• Artes (pintura, escultura, grafitti)
• Videoarte
• Literatura (poesía e relato breve)

Datas de realización da estadía e intervención: do 28 de xullo ao 13 de agosto de 2012 (estadía continuada de 15 días)

Bases, formularios e más info en:

http://xuventude.xunta.es/201207168286/imagina-atlantica-teatros-de-pedra-ampliado-o-prazo-para-a-inscricion-nunha-estadia-e-intervencion-creativa-na-cidade-de-santiago-de-compostela.html